گوگل نیوز پر ہمیں فالو کریںبھارتی الیکشن مہم میں مسجد کی طرف علامتی تیر چلانے والی بھارتیہ جنتا پارٹی (بی جے پی) کی انتہا پسند خاتون امید وار مادھوی لٹھا کو بھی شکست فاش کا سامنا کرنا پڑا۔
بھارتی میڈیا رپورٹ کے مطابق بھارتی شہر حیدر آباد کے عوام نے بی جے پی کی انتہا پسند خاتون امید وار مادھوری لٹھا کو ٹھینگا دکھا دیا اور انہیں ذلت آمیز شکست کا منہ دکھا دیا۔
جنوبی بھارت کے تاریخی شہر حیدر آباد دکن میں مسلمانوں کے پسندیدہ رہنما اور آل انڈیا مجلس اتحاد المسلمین کے اسد الدین اویسی نے مادھوی لٹھا کو 3 لاکھ سے زائد ووٹوں سے تاریخی شکست دے دی۔
بھارتی میڈیا کی رپورٹ کے مطابق الیکشن مہم کے دوران مادھوی لٹھا کی جانب سے مسجد کی طرف علامتی تیر چلانے کو حیدر آباد کے لوگوں نے مسلمانوں کو ہراساں کرنے کی نیچ حرکت سے تعبیر کیا تھا۔
جس کا بدلہ عوام نے الیکشن کے دن مادھوری لٹھا سے اس طرح لے لیا کہ ان کے مقابلے میں مسلم رہنما کو بھاری اکثریت سے کامیابی دلوا دی۔
