گوگل نیوز پر ہمیں فالو کریںلاہور: پنجاب کے مختلف علاقوں میں شدید دھند چھائی ہوئی ہے، جس کے باعث موٹر وے کو متعدد مقامات پر آمدورفت کے لئے بند کردیا گیا ہے۔
ذرائع کا کہنا ہے کہ موٹروے ایم3 شدید دھندکے باعث ٹریفک کیلئے بند کردی گئی ہے،موٹروے ایم2 لاہور سے کوٹ مومن تک دھندکی وجہ سے بند ہے۔
ترجمان موٹروے پولیس کا اس حوالے سے کہنا ہے کہ موٹروے ایم4 فیصل آبادسے پنڈی بھٹیاں تک بند ہے جبکہ لاہورسیالکوٹ موٹروے کو دھندکی وجہ سے بندکردیاگیا۔
اس کے علاوہ موٹروے ایم 5 شیرشاہ سے اوچ شریف تک دھندکی وجہ سے بند کردی گئی ہے۔ چونیاں شہر اور گردونواح میں شدید دھند ہے جبکہ حدنگاہ انتہائی کم رہ گئی۔
ترجمان موٹروے پولیس کے مطابق شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
