گوگل نیوز پر ہمیں فالو کریںلاہور: نگراں وزیر اعلیٰ پنجاب محسن نقوی کو ذکاء اشرف کی جگہ چیئرمین پی سی بی مینجمنٹ کمیٹی لگانے کا فیصلہ کرلیا گیا۔
ذرائع کا اس حوالے سے کہنا ہے کہ ذکا اشرف کا بطور چیئرمین پی سی بی مینجمنٹ کمیٹی استعفیٰ منظور کرلیا گیا، نگراں وزیر اعظم انوارالحق کاکڑ نے ذکا اشرف کا استعفیٰ منظور کیا۔
ذرائع کے مطابق محسن نقوی کو ذکا اشرف کی جگہ چیئرمین پی سی بی مینجمنٹ کمیٹی لگانے کا فیصلہ کرلیا گیا ہے جس کا نوٹیفکیشن بھی جلد جاری کئے جانے کا امکان ہے۔
ذرائع کے مطابق محسن نقوی پی سی بی گورننگ بورڈ کے لئے بھی نامزد ہوں گے، یاد رہے کہ محسن نقوی اس وقت نگراں وزیر اعلیٰ پنجاب کے فرائض انجام دے رہے ہیں۔
واضح رہے کہ پاکستان کرکٹ بورڈ (پی سی بی) چیئرمین مینجمنٹ کمیٹی کے سربراہ ذکا اشرف نے 19 جنوری کو اپنے عہدے سے استعفیٰ دے دیا تھا۔
