گوگل نیوز پر ہمیں فالو کریںسعودی عرب میں موسمیات کے قومی مرکز نے بارشوں سے متعلق الرٹ جاری کرتے ہوئے کہا ہے کہ ’اس سال موسم سرما میں الشرقیہ، القصیم، مدینہ منورہ، حائل اور شمالی حدود ریجنوں میں بارش معمول سے زیادہ ہو گی۔
رپورٹ میں بتایا گیا کہ تبوک، الجوف اور شمالی حدود ریجنوں میں معمول سے زیادہ بارشیں فروری میں ہوں گی جبکہ ’ریاض، الشرقیہ اور حائل ریجنوں کے بعض علاقوں میں جنوری کے دوران بارشیں معمول سے زیادہ ہوگی۔
موسمیات کے قومی مرکز کے بیان میں کہا گیا ہے کہ ’سعودی عرب کے دیگر علاقوں میں موسم سرما کی بارشیں معمول کے مطابق ہوں گی۔‘
قومی مرکز کے مطابق فروری میں مملکت کے تمام علاقوں میں درجہ حرارت 70 فیصد تک بڑھ سکتا ہے۔قومی مرکز کے مطابق جنوری میں درجہ حرارت مملکت کے تمام علاقوں میں 50 سے 70 فیصد تک بڑھ سکتا ہے۔
ریاض، مکہ مکرمہ، مدینہ منورہ، القصیم اور الشرقیہ ریجنوں کے بعض علاقوں میں درجہ حرارت صرف ایک ڈگری زیادہ ہوگا۔بیشتر علاقوں میں درجہ حرارت کا اوسط معمول سے زیادہ ہوگا۔
