گوگل نیوز پر ہمیں فالو کریںمشہور یوٹیوبر اور ٹک ٹاکر علیزہ سحر، جو حال ہی میں اپنی نجی تصاویر اور ویڈیوز آن لائن لیک ہونے کا نشانہ بنی تھیں، مبینہ طور پر اغوا کرلی گئی ہیں۔
سوشل میڈیا پر نجی ویڈیوز کے وائرل ہونے کے بعد ٹک ٹاکر نے خود کشی کی کوشش کی تاہم بروقت طبی امداد ملنے کی وجہ سے انھیں بچا لیا گیا۔
حال ہی میں سماجی رابطے کی ویب سائٹ ایکس پر ایک صارف نے ویڈیو پوسٹ کی، جس میں مسلح افراد کو علیزہ سحر کو اغوا کرتے دیکھا جاسکتا ہے۔
Aliza sehar has been kidnapped. Please pray for safe return home pic.twitter.com/KdH4cePRs9
— Nimra Khan (@NimraReal) October 31, 2023
قبل ازیں علیزہ سحر کی ایک ویڈیو وائرل ہوئی تھی، جس میں انہیں بظاہر کسی سے ویڈیو کال پر بات کرتے ہوئے دیکھا جاسکتا تھا۔
مذکورہ مختصر ویڈیو میں ٹک ٹاکر بظاہر بات کرنے والے شخص کی فرمائش پر کچھ دیر کے لیے جسم کے بعض حصوں سے کپڑے ہٹاتی دکھائی دی تھیں۔
ویڈیوز وائرل ہونے کے بعد علیزہ سحر کا نام ٹوئٹر پر ٹاپ ٹرینڈ بھی رہا جبکہ متعدد افراد نے دعویٰ کیا کہ ٹک ٹاکر نے شہرت حاصل کرنے کے لیے اپنی ویڈیو خود لیک کیں۔
تاہم، اس کے بعد علیزہ سحر نے ایک وضاحتی ویڈیو جاری کی جس میں انہوں نے کہا تھا کہ ان کی ویڈیو قطر میں بیٹھے ایک شخص نے لیک کی، جن سے متعلق انہوں نے ایف آئی اے کو معلومات دے دی ہیں۔
علیزہ سحر نے یوٹیوب پر جاری کردہ اپنی مختصر ویڈیو میں بتایا کہ جس شخص نے ان کی ویڈیو لیک کی، اس کا اصل تعلق پنجاب کے شہر اوکاڑہ سے ہے لیکن وہ اس وقت قطر میں موجود ہے۔
ٹک ٹاکر نے دعویٰ کیا کہ مذکورہ شخص سیکیورٹی ادارے کا ملازم ہے اور انہوں نے انہیں بلیک میل کیا، اس شخص نے ان کی زندگی برباد کرکے پوری دنیا کے سامنے انہیں بے لباس کیا۔
مختصر ویڈیو میں بات کرنے کے دوران علیزہ سحر متعدد بار جذباتی بھی ہوگئیں اور رو پڑیں۔
انہوں نے یہ بھی واضح کیا تھا کہ ان کی وائرل ویڈیو کے بعد ان سے متعلق جعلی انٹرویوز کی ویڈیوز بنائی گئیں اور ان سے متعلق غلط معلومات پھیلائی جارہی ہے۔
علیزہ سحر کا کہنا تھا کہ ایف آئی اے نے انہیں یقین دہانی کرائی تھی کہ وہ ویڈیو لیک کرنے والے ملزم کے خلاف فوری کارروائی کریں گے لیکن تاحال ایسا نہیں ہوسکا۔
خیال رہے کہ علیزہ سحر دیہات کے کھیتوں، گھروں اور وہاں کے ماحول میں دیسی انداز میں ویڈیوز بنانے کے حوالے سے شہرت رکھتی ہیں۔
علیزہ سحر کے ٹک ٹاک پر تقریباً 30 لاکھ فالوورز ہیں جب کہ یوٹیوب پر ان کے سبسکرائبرز کی تعداد 15 لاکھ ہے۔
