گوگل نیوز پر ہمیں فالو کریںکرپٹو کرنسی میں لوگوں کے ساتھ بہت زیادہ فراڈ کیا جاتا ہے، جس میں شمالی کوریا کے ہیکرز سب سے آگے ہیں، پچھلے پانچ سالوں میں شمالی کوریا کے ہیکرز نے تقریباََ 2 بلین ڈالر کی کرپٹو کرنسی چوری کی ہے۔
حال ہی میں بلاک چین انٹیلی جنس فرم ٹی آر ایم لیبز نے ایک رپورٹ پیش کی، جس میں بتایا کہ شمالی کوریا کے جرائم پیشہ افراد کرپٹو کرنسی کے فراڈ میں سب سے آگے ہیں۔ سال 2023 میں ہیکرز اب تک 200 ملین ڈالر کی کرپٹو کرنسی چوری کرچکے ہیں، جو اس سال چوری ہونے والے تمام فنڈز کا 20 فیصد ہے۔
یورپ کی پہلی کرپٹو کرنسی ای ٹی ایف لانچ کردی گئی
رپورٹ میں بتایا گیا ہے کہ شمالی کوریائی ہیکرز نےسال 2022 میں تقریباً 630 ملین ڈالر مالیت کے ڈیجیٹل اثاثے چرائے ہیں۔ بتایا گیا کہ یہ تمام اثاثے سائبر کرائم حملوں کے تحت چرائے گئے۔
واضح رہے کہ یہ سائبر حملے اتنے کامیاب تھے کہ چوری شدہ فنڈز کا سراغ لگانا پہلے سے کہیں زیادہ مشکل ہو گیا تھا، شمالی کوریا کے ہیکرز نے کرپٹو اثاثوں تک رسائی حاصل کرنے کیلئے جدید ترین سائبر طریقوں کا بھی استعمال کیا۔
