گوگل نیوز پر ہمیں فالو کریںپاکستانی شوبز انڈسٹری کے مختلف ستاروں نے تصاویر اور ویڈیوز جاری کرتے ہوئے پاکستان کے جشنِ آزادی کے موقعے پر قوم کو مبارکباد پیش کی ہے۔
تفصیلات کے مطابق عائزہ خان، نیلم منیر اور جگن کاظم سمیت متعدد فنکاروں اور اداکاروں نے قوم کو جشنِ آزادی کے موقعے پر مبارکباد دیتے ہوئے اپنی ویڈیوز اور تصاویر جاری کی ہیں اور جشنِ آزادی کے سلسلے میں اپنی مصروفیات بھی بیان کیں۔
پاپ گلوکارہ نازیہ حسن کی 23 ویں برسی
فوٹو شیئرنگ پلیٹ فارم انسٹاگرام پر اپنے پیغام میں اداکارہ عائزہ خان نے اپنی پرانی سہیلیوں کے ہمراہ تصاویر شیئر کرتے ہوئے کہا کہ ہم آج جشنِ آزادی منا رہے ہیں۔ بہت سے دوستوں سے طویل عرصے بعد ایک ساتھ ملاقات کرکے دلی مسرت حاصل ہوئی۔
View this post on Instagram
اپنی ایک ویڈیو میں جگن کاظم اور سمیع خان نے کہا کہ ہم اس وقت ملتان میں جشنِ آزادی منانے آئے ہیں۔ انہوں نے مداحوں کو بھی اپنے ساتھ جشنِ آزادی منانے کی دعوت دیتے ہوئے ایک پروگرام کا سیٹ بھی دکھایا جس میں مختلف مہمان کرسیوں پر بیٹھے ہیں۔
View this post on Instagram
اقرا عزیز نے اپنے شریکِ حیات یاسر حسین کے ہمراہ سبز رنگ کے جوڑے میں تصویر شیئر کی اور کہا کہ میں آپ کے ساتھ الگ طریقےسے مسکراتی ہوں۔
View this post on Instagram
میرے پاس تم ہو سمیت درجنوں ڈراموں میں اداکاری کے جوہر دکھانے والے فنکار عدنان صدیقی نے یومِ آزادی کے موقعے پر اپنی ویڈیو شیئر کی جس میں انہیں منفرد انداز میں قومی ترانہ تحت اللفظ پڑھتے ہوئے دیکھا جاسکتا ہے۔
View this post on Instagram
اداکارہ ژالے سرحدی نے عائزہ خان اور شرمیلا فاروقی سمیت دیگر افراد کے ہمراہ اپنی تصاویر سوشل میڈیا پر شیئر کرتے ہوئے اپنے مداحوں کو اپنی 14 اگست کی مصروفیات سے آگاہ کیا۔
View this post on Instagram
مشہورومعروف اداکارہ حرا مانی نے بھی اپنے شریکِ حیات مانی کے ہمراہ ایک ویڈیو شیئر کی جس میں انہیں نیرہ نور کا ملی نغمہ وطن کی مٹی عظیم ہے تو، عظیم تر ہم بنا رہے ہیں اور جیوے جیوے پاکستان گنگناتے ہوئے سنا جاسکتا ہے۔
View this post on Instagram
