گوگل نیوز پر ہمیں فالو کریںبالی ووڈ کی آنجہانی اداکارہ سری دیوی کی 60ویں سالگرہ آج منائی جارہی ہے، اس موقعے پر ساتھی فنکاروں نے آنجہانی فنکارہ کو خراجِ تحسین پیش کیا۔
تفصیلات کے مطابق اداکارہ سری دیوی کا شمار بالی ووڈ کی چند گنی چنی اداکاراؤں میں ہوتا ہے جنہیں اپنے صلاحیتوں، محنت، قابلیت اور عوامی مقبولیت سب ہی اعتبار سے اعلیٰ درجے کی شہرت حاصل رہی اور ان کو انتقال کے بعد بھی یاد کیاجاتا ہے۔
دس بجتے ہی گھر جانے کا جی چاہتا ہے۔ سجل علی کی ویڈیو وائرل
View this post on Instagram
انتقال کر جانے کے باوجود سری دیوی کے شریکِ حیات بونی کپور نے اتوار کے روز انسٹاگرام پر ان کی یاد میں اپنے ہمراہ ماضی کی ایک تصویر شیئر کرتے ہوئے آنجہانی فنکارہ کو سالگرہ کی مبارکباد پیش کی جبکہ ان کی چھوٹی بیٹی خوشی کپور نے بھی والدہ کو یاد کیا۔
خیال رہے کہ بھارتی اداکارہ سری دیوی نے 80 اور 90 کی دہائی میں بھارتی فلم انڈسٹری پر راج کیا اور اس دوران چالباز، چاندنی، مسٹر انڈیا اور نگینا جیسی فلموں سے مداحوں میں مقبول ہو کر خوب داد سمیٹی۔
اداکارہ سری دیوی نے 90 کی دہائی کے بعد صفِ اوّل کی ہیروئن کے طور پر تو اداکاری چھوڑ دی، تاہم موضوعاتی فلموں میں کام جاری رکھا جن میں 2012 کی انگلش ونگلش اور 2017 کی فلم مام کو اہمیت حاصل ہے۔ 2021 میں سری دیوی انتقال کر گئی تھیں۔
