محرم الحرام کا چاند کب نظر آئیگا؟محکمہ موسمیات نے پیشگوئی کردی

لاہور: محکمہ موسمیات نے محرم الحرام کے چاند کے حوالے سے اہم پیش گوئی کردی۔

محکمہ موسمیات کے مطابق محرم کا چاند 18 جولائی 29 ذی الحج کو نظر آنے کا قوی امکان ہے، اور عاشورہ 28 جولائی بروز جمعہ ہونے کا امکان ہے۔

محکمہ موسمیات کا کہنا ہے کہ چاند کی پیدائش 17 جولائی کی رات 11 بجکر 32 منٹ پر ہوگی اور چاند نظر آنے کے دوران ملک کے بیشتر حصوں میں بادل چھائے رہنے کا امکان ہے۔

غروب آفتاب شام 7 بج کر24 منٹ پرہونے کا امکان ہے، رات 8:00 بجے چاند کے طلوع ہونے کا امکان ہے۔

یہ بھی پڑھیں:

محکمہ موسمیات نے مون سون بارشوں کے نئے سلسلے کی پیشگوئی کردی

محکمہ موسمیات کے کلائمیٹ ڈیٹا پروسیسنگ سینٹر کا کہنا ہے کہ غروب آفتاب کے وقت کراچی میں چاند کی عمر 20 گھنٹے 17 منٹ ہوگی، محرم الحرام کا چاند دیکھنے کی مدت غروب آفتاب کے بعد 46 منٹ تک ہے جبکہ چاند نظر آنے کے لیے 19 گھنٹے کی عمر ضروری ہے۔