گوگل نیوز پر ہمیں فالو کریںلاہور: عدالتِ عالیہ نے سائفر کیس میں عمران خان سے 17 جولائی کو جواب طلب کر لیا ہے۔ یہ فیصلہ وفاقی حکومت کی جانب سے متفرق درخواست دائر کیے جانے کے بعد سامنے آیا۔
تفصیلات کے مطابق وفاقی حکومت نے متفرق درخواست دائر کردی ہے جس میں لاہور ہائیکورٹ سے استدعا کی گئی ہے کہ سائفر کی تحقیقات روکنے سے متعلق حکمِ امتناع خارج کیا جائے۔
دبئی ملاقات میں ایسا فیصلہ نہیں ہوا جس پر منانا پڑے۔راناثناء اللہ
ہائیکورٹ لاہور نے چیئرمین تحریکِ انصاف عمران خان سے 17 جولائی کو جواب طلب کرنے کیلئے نوٹس ارسال کردیا۔ حکومت نے اپنی درخواست میں اپنا مؤقف عدالت کے سامنے رکھنے کی اجازت طلب کی ہے۔
وفاقی حکومت نے اپنی درخواست میں کہا کہ ایف آئی اے عمران خان کو 30 نومبر کو طلب کرچکی تھی۔ عدالت نے حکومت کو نوٹس دئیے اور سماعت کیے بغیر نوٹس پر عملدرآمد کو معطل کرنے کا یکطرفہ فیصلہ کیا۔
حکومت نے مؤقف اختیار کیا ہے کہ عدالتی فیصلے کے باعث وفاقی تحقیقاتی ادارے (ایف آئی اے) کی تفتیش کا عمل رک گیا ہے۔ عدالت گزشتہ برس 6دسمبر کو جاری کردہ حکمِ امتناع کالعدم قرار دے۔
