گوگل نیوز پر ہمیں فالو کریںاسلام آباد: سیکریٹری اطلاعات استحکامِ پاکستان پارٹی فردوس عاشق اعوان نے کہا ہے کہ الیکشن میں سیٹ ایڈجسٹمنٹ کسی کی خواہشات پر نہیں ہوگی۔
تفصیلات کے مطابق نجی ٹی وی پروگرام کے دوران گفتگو کرتے ہوئے سابق معاونِ خصوصی فردوس عاشق اعوان نے کہا کہ سابق خاتونِ اوّل بشریٰ بی بی گینگ آف فائیو کی سرغنہ اور میں اس کا شکار تھی۔ سیٹ ایڈجسٹمنٹ کسی کی خواہشات پر نہیں ہوگی۔
پی پی پی نے چیئرمین سینیٹ کی مراعات کا بل مسترد کردیا
گفتگو کے دوران فردوس عاشق اعوان نے کہا کہ انتخابات کے شیڈول کا اعلان سامنے آنے کے بعد استحکامِ پاکستان پارٹی سیٹ ایڈجسٹمنٹ کافیصلہ کرے گی۔ ہم ایک علیحدہ شناخت اور منشور کے ساتھ عوام کے دروازوں پر دستک دیتے نظر آئیں گے۔
سابق معاونِ خصوصی فردوس عاشق اعوان نے کہا کہ پہلے ہم نظام کو بدلنے کی کوشش کررہے تھے، تاہم اس میں کامیابی نہیں ہوئی، تاہم نظام کو بدلنا ہوگا۔ ہمارے لیے گینگ آف فائیو کا حصہ بننا مشکل امر تھا۔ اس سارے عمل میں ان کی حصہ داری کرنی پڑتی۔
فردوس عاشق اعوان نے کہا کہ گینگ آف فائیو کا ایجنڈا اور ٹارگٹ اپنی ذات سے منسلک تھا۔ میں نے یرغمالی گینگ اور ہائی جیکر ٹولے کے بارے میں عمران خان کو واٹس ایپ پیغام بھیجا تو وہی پیغام عثمان بزدار کو چلا گیا۔ سب کی سرغنہ سابق خاتونِ اوّل تھیں۔
