گوگل نیوز پر ہمیں فالو کریںاسلام آباد: عدالت نے پی ٹی آئی رہنما فواد چوہدری کی رہائی کا حکم دے دیا جبکہ پولیس کو دیکھ کر فواد چوہدری کے فرار ہونے کی ویڈیو سوشل میڈیا پر وائرل ہوگئی ہے۔
تفصیلات کے مطابق آج اسلام آباد ہائیکورٹ میں فواد چوہدری کی گرفتاری کے خلاف درخواست کی سماعت ہوئی۔ جسٹس میاں گل حسن اورنگزیب نے عدالت میں پیش ہونے کا حکم دیا۔ عدالت نے ریمارکس دئیے کہ جو واقعات ہوئے، ان پر سنجیدگی کا مظاہرہ کرنا ہوگا۔
جلاؤ گھیراؤ میں ایجنسیاں ملوث، شواہد موجود ہیں۔ عمران خان
جسٹس گل حسن اورنگزیب نے ریمارکس دئیے کہ فواد چوہدری اہم شخصیت اور وفاقی وزیر رہ چکے ہیں۔ کیا آپ کو پاکتان کے ہجوم کے متعلق معلوم نہیں؟ اس مواد پر ڈسٹرکٹ مجسٹریٹ یہ حکم نہ دیں تو کیا کریں؟ میں واضح ہوں اور کھل کر بات کرتا ہوں۔
ہائیکورٹ کا کہان تھا کہ فواد چوہدری کو عدالت بلانے کا مقصد رہائی دینا تھا۔ بعد ازاں عدالت نے محفوظ فیصلہ سناتے ہوئے فواد چوہدری کی گرفتاری غیر قانونی قرار دے دی۔ عدالت نے تھری ایم پی او کے تحت فواد چوہدری کی گرفتاری کو کالعدم قرار دیا۔
Speechless ???? pic.twitter.com/teufycjF0G
— Ihtisham Ul Haq (@iihtishamm) May 16, 2023
دریں اثناء رہائی ملنے کے بعد جیسے ہی گھر واپسی کیلئے فواد چوہدری گاڑی میں بیٹھے تو اپنے سامنے پولیس اہلکاروں کو پا کر گاڑی سے اتر کر فرار ہو گئے۔ فواد چوہدری ہائیکورٹ کے اندر بھاگے تھے جس کے دوران وہ گر گئے اور پھر اٹھ کر کمرۂ عدالت پہنچ گئے۔
