ترکیہ انتخابات: ابتدائی نتائج میں صدر اردوان سب سے آگے

ترکیہ کے صدارتی اور پارلیمانی انتخابات کے بعد گنتی کا عمل جاری ہے،جبکہ ابتدائی نتائج کے مطابق صدر اردوان سب کو پیچھے چھوڑ دیا ہے۔

بین الاقوامی خبر رساں ادارے کی رپور ٹ کے مطابق ترکیہ میں صدارتی انتخابات میں 21.33 فیصد ووٹوں کی گنتی کا عمل مکمل ہوچکا ہے، ابتدائی نتائج میں صدر اردوان 55.03 فیصد ووٹوں کے ساتھ لیڈ پر ہیں۔

ترک میڈیا کا اس حوالے سے کہنا ہے کہ صدر اردوان کے حریف کمال قلیچ دار اوغلو 39 فیصد ووٹ حاصل کرکے دوسرے نمبر پر قابض ہوچکے ہیں۔

واضح رہے کہ آج ترکیہ میں صدارتی اور پارلیمانی انتخابات کیلئے ووٹنگ کا عمل صبح 8 بجے (پاکستان وقت کے مطابق 10 بجے) شروع ہوا، شروع ہونے والی ووٹنگ مقامی وقت کے مطابق شام 5 بجے (پاکستانی وقت کے مطابق شام 7 بجے) تک جاری رہی۔

مزید پڑھیں:21 سال پہلے کے مقابلے میں ترکیہ کو زیادہ خوشحال اور مضبوط بنا چکا ہوں، ایردوان

واضح رہے کہ ترکیہ کی تاریخ میں پہلی مرتبہ 24 پارٹیاں اور 151 آزاد امیدوار انتخابی عمل میں شامل ہیں، ترکیہ میں ساڑھے 6 کروڑ سے زائد ووٹرز رجسٹرڈ ہیں۔