گوگل نیوز پر ہمیں فالو کریںلندن: پر وقار تقریب میں برطانیہ کے بادشاہ چارلس سوئم کو سینٹ ایڈورڈ تاج پہنا دیا گیا، بادشاہ چارلس کوآرچ بشپ نے کنگ ایڈورڈ تاج پہنایا۔
آرچ بشپ آف کینٹربری نے تقریب کے دوران بادشاہ چارلس سوئم سے عہدے کا حلف لیا جس کے بعد بادشاہ چارلس نے حلف نامے پر دستخط کر دیے، گزشتہ 70 سال کے دوران تاج پوشی کی یہ پہلی تقریب ہے، شاہ چارلس کنگ ایڈورڈ تاج پہننے والے ساتویں شاہی سربراہ ہیں۔
رپورٹ میں مزید بتایا گیا ہے کہ تاج پوشی کے بعد ملک بھر میں بگل بجائے گئے اور توپوں کی سلامی پیش کی گئی، تاجپوشی کی یہ روایت 1066 میں شروع ہوئی تھی جس کا سلسلہ جاری ہے اور آج شاہ چارلس سوئم 40ویں بادشاہ کا تاج اپنے سر پر سجارہے ہیں۔
