گوگل نیوز پر ہمیں فالو کریںلاہور: سابق وزیراعظم اور پاکستان تحریک انصاف (پی ٹی آئی) کے چیئرمین عمران خان، جنہیں نومبر 2022 میں لانگ مارچ کے دوران وزیر آباد میں فائرنگ کرکے زخمی کردیا گیا تھا، ان کے پیر کے زخم میں سوزش کے باعث منگل کو ہسپتال لے جایا گیا۔
ذرائع کے مطابق پی ٹی آئی کے سربراہ کو دباؤ کی وجہ سے پیروں میں سوزش ہوئی، جس کے بعد انہیں طبی معائنے کے لیے اسپتال منتقل کیا گیا۔
رپورٹ میں دعویٰ کیا گیا کہ عمران خان کی آج لاہور ہائیکورٹ میں پیشی کے دوران ان کے پاؤں میں دباؤ آیا جس کی وجہ سے سوجن آگئی۔
واضح رہے کہ جب پی ٹی آئی اپنے لانگ مارچ پر تھی تو اللہ والا چوک پر پارٹی کے استقبالیہ کیمپ کے قریب ایک شخص نے فائرنگ شروع کردی جس سے سابق وزیراعظم سمیت پی ٹی آئی کے متعدد رہنما زخمی ہوگئے۔
مزید پڑھیں:اگست میں الیکشن، تحریک انصاف نے 8 نکاتی تجاویز حکومتی وفد کے سپرد کردیں
وزیر آباد میں اللہ والا چوک کے قریب پی ٹی آئی چیئرمین عمران خان کے کنٹینر پر نامعلوم حملہ آوروں کی فائرنگ سے 6 افراد زخمی اور ایک شخص جاں بحق ہوگیا تھا۔
