گوگل نیوز پر ہمیں فالو کریںاسلام آباد: جاپانی حکومت کی جانب سے پاکستان کے سابق سفیر امتیاز احمد کو”آرڈر آف دی رائزنگ سن، گولڈ اینڈ سلور سٹار” ایوارڈ سے نوازنے کا اعلان کیا گیا ہے۔
امتیاز احمد کو یہ ایوارڈ پاک جاپان دوطرفہ تعلقات کو مضبوط بنانے اور دوستی کو فروغ دینے میں ان کے تعاون کے اعتراف میں دیاجائے گا۔ سفیر امتیاز احمد نے 16 سال سے زائد عرصے تک جاپان میں چار مرتبہ بطور سفارت کار خدمات انجام دی ہیں۔
امتیاز احمد نیجاپانی زبان، ثقافت اور تاریخ کا بھی وسیع علم حاصل کیا۔امتیاز احمد نے اپنی علمی قابلیت کی بنیاد پر کئی شعبوں میں ہمارے تعلقات کو بڑھانے میں اہم کردار ہے۔امتیاز احمد نے اپنے کیرئیر کے آغاز سے جاپان میں سفیر تک تقریباً ہر عہدے پر کام کیا ہے۔
امتیاز احمد نے سفارتی سرگرمیوں کے علاوہ جاپانی عوام کے لیے بھی بہت ہی اہم کام کیے ہیں۔
امتیاز احمد تواتر سے زلزلہ متاثرہ علاقوں کا دورہ کرتے،متاثرین کو پاکستانی کھانے پیش کرتے اور امدادی سامان تقسیم کرتے تھے۔ 11 مارچ 2011 کو مشرقی جاپان میں آنے والے زلزلے میں امتیاز احمد نے امدادی سرگرمیوں میں بڑھ چڑھ کر حصہ لیا۔
مزید پڑھیں:پولیس اہلکار نے سوات سی ٹی ڈی دھماکے کے ملبے سے ملنے والے 25 لاکھ واپس کردیئے
جاپانی عوام ان کی اور پاکستانی عوام کی محبت اور لگن سے بہت متاثر ہیں۔ آفت زدگان کے ساتھ ان کی موجودگی کو پاکستانی اور جاپانی میڈیا نے بہت سراہا تھا۔
