گوگل نیوز پر ہمیں فالو کریںخیبر پختونخوا کے ضلع سوات کے سی ٹی ڈی تھانے میں ہونے والے 2 دھماکوں کے نتیجے میں جاں بحق افراد کی تعداد 17 جبکہ زخمیوں کی 70 ہوگئی ہے۔
تفصیلا ت کے مطابق گزشتہ شب سے جائے وقوعہ پر سرچ اینڈ ریسکیو آپریشن کی کارروائی جاری ہے۔ ہسپتال سے کچھ وقت قبل سامنے آنے والی رپورٹ میں 17 افراد کی شہادت اور 51 کے زخمی ہونے کی تصدیق کی گئی تھی۔
پینتیس سالہ مسلمان خاتون سے ہندو ملزم کی مندر میں زیادتی
زخمیوں کو طبی امداد کی فراہمی کیلئے کبل اور سیدو شریف ہسپتال منتقل کردیا گیا۔ ایک شدید جھلسے ہوئے زخمی کو پشاور برن سینٹر منتقل کیا گیا ہے۔ شہدا میں سب انسپکٹر عبداللہ، اشرف علی اور اے ایس آئی شیر عالم بھی شامل ہیں۔
شہداء میں سپاہی تاج محمد خلیل رحمان، بخت روخان، شیر ولی، فضل رزاق اور عصمت علی بھی شامل ہیں۔ پولیس کے بیان کے مطابق سی ٹی ڈی تھانے میں بچ جانے والے بارودی مواد کو ناکارہ بنا دیا گیا ہے۔ واقعہ کسی دہشت گردی یا حملے کا نتیجہ نہیں۔
آئی جی خیبر پختونخوا اختر حیات کے بیان کے مطابق باہر سے کسی حملے کے شواہد نہیں مل سکے۔ دھماکے کی وجہ شارٹ سرکٹ یا کچھ اور ہے، اس پر تحقیقات کر رہے ہیں جبکہ پہلا دھماکا تہہ خانے میں پڑے بارودی مواد میں ہوا تھا۔
