گوگل نیوز پر ہمیں فالو کریںراولپنڈی: پاکستان اور نیوزی لینڈ کے درمیان چوتھا ٹی ٹوئنٹی انٹرنیشنل میچ آج کھیلا جائے گا، دونوں ٹیمیں رات 9 بجے راولپنڈی کرکٹ سٹیڈیم میں مدمقابل ہوں گی۔
پاکستان کو 5 میچوں کی سیریز میں 1-2 کی برتری حاصل ہے ، سیریز کے پہلے 3 میچز قذافی سٹیڈیم لاہور میں کھیلے گئے۔
گرین شرٹس نے پہلے اور دوسرے میچ میں بالترتیب 88 اور 38 رنز سے کامیابی حاصل کرکے سیریز میں برتری حاصل کی جبکہ تیسرے ٹی 20 میں مہمان ٹیم نے شاندار کم بیک کیا اور پاکستان کو 4 رنز سے شکست دے کر لیڈ کو کم کردیا۔
ٹی 20 پلیئرز کی رینکنگ جاری، افتخار احمد کی 10 اور حارث رؤف کی 5 درجے ترقی
قومی ٹیم کے کھلاڑی آج کا میچ جیتنے کے لئے پر عزم ہیں اور ان کا کہنا ہے کہ راولپنڈی میں دونوں میچز جیت کر سیریز اپنے نام کریں گے۔
یاد رہے کہ دونوں ٹیموں کے درمیان سیریز کا پانچواں اور آخری ٹی 20 میچ 24 اپریل کو راولپنڈی کرکٹ سٹیڈیم میں ہی کھیلا جائے گا۔
