گوگل نیوز پر ہمیں فالو کریںجنوبی کوریا کے معروف پاپ بینڈ ’ایسٹرو‘ کے رکن ’مون بن‘ 25 سال کی عمر میں انتقال کرگئے۔
کورین میڈیا کے مطابق 25 سالہ مون بن گزشتہ شب اپنے گھر میں مردہ حالت میں پائے گئے تاہم اُن کی موت کی وجہ ابھی تک سامنے نہیں آسکی ہے لیکن پولیس کو ایسا لگتا ہے کہ گلوکار کی موت کی وجہ خودکشی ہے جس کا معلوم پوسٹ مارٹم کی رپورٹ کے بعد ہوجائے گا۔
کورین پاپ بینڈ ’ایسٹرو‘ کی میوزک لیبل کمپنی نے بھی سوشل میڈیا پر گلوکار کی موت کی تصدیق کردی ہے۔ 25 سالہ مون بن گلوکاری، اداکاری، ڈانسنگ اور ماڈلنگ کے شعبے سے وابستہ تھے۔
شاہ ویر جعفری کو اہلیہ کیساتھ مذاق کرنا مہنگا پڑگیا، ناقدین کی کڑی تنقید
مون بن کی موت کی خبر پر ان کے مداح افسوس کا اظہار کررہے ہیں، سوشل میڈیا پر مون کی موت کی خبر آگ کی طرح پھیلنے کے بعد ٹوئٹر پر مون بن ہیش ٹیگ بھی ٹرینڈ کررہا ہے۔
خیال رہے کہ مون بن نے 2016 میں کے پاپ بینڈ ’ایسٹرو‘ میں شمولیت اختیار کی اور اپنے البم ’اسپرنگ اپ‘ سے ڈیبیو کیا جس کے بعد وہ کئی کورین ٹیلی ویژن سیریز میں اداکاری بھی کرتے رہے۔
