گوگل نیوز پر ہمیں فالو کریںپاکستان تحریک انصاف کے چیئرمین عمران خان نے کہا ہے کہ توہین عدالت پر پہلے یوسف رضا گیلانی نا اہل ہوئے اب شہباز شریف بھی نا اہل ہوجائیں گے۔
زمان پارک میں پی ٹی آئی کے صدر چوہدری پرویز الہی سے گفتگو میں عمران خان نے کہا کہ پنجاب اور کے پی کے وزرائے اعلیٰ کی طرف سے سپریم کورٹ میں درخواست دائر کریں گے، عدالت کا فیصلہ نہ مان کر حکمران غلط روایت ڈال رہے ہیں۔
یہ بھی پڑھیں:
یہ یقینی بنانا ہوگا کہ الیکشن میں عدلیہ اور فوج مکمل غیر جانبدار رہیں، سراج الحق
پی ٹی آئی کے صدر پرویز الہیٰ نے کہا کہ الیکشن کو روکنے کے لیے ہر غیر آئینی ہتھکنڈا استعمال کیا جارہا ہے، نااہل حکمرانوں کو اپنے ہر غیر آئینی اقدام کا جواب دینا ہوگا۔
پرویز الہیٰ نے کہا کہ پنجاب میں ٹکٹوں کا اعلان عمران خان خود کریں گے۔
