گوگل نیوز پر ہمیں فالو کریںپاکستان میں سعودی عرب کے سفیر نواف بن سعید المالکی نے پاکستان کے وزیر مذہبی امور مفتی عبدالشکور کے انتقال پر تعزیت کا اظہار کیا ہے۔
سعودی سفیر نواب بن سعید المالکی نے ٹویٹ بیان میں کہا کہ ’خادم حرمین شریفین کے سفیر کی حیثیت سے میں اپنی اور سعودی سفارت خانے کی جانب سے اسلامی جمہوریہ پاکستان سے وزیر برائے مذہبی امور وبین المذاہب ہم آہنگی مفتی عبدالشکور کے انتقال پر دل کی گہرائیوں سے پاکستان کے عوام اور ان کے اہل خانہ کے ساتھ دلی تعزیت اور گہرے دکھ کا اظہار کرتا ہوں۔‘
بأسمي وبأسم سفارة #خادم_الحرمين_الشريفين في جمهورية #باكستان الإسلامية أتقدم بخالص العزاء والمواساة للشعب الباكستاني الشقيق ولعائلة معالي وزير الشؤون الدينية والوئام بين الأديان السيد مفتي عبد الشكور الذي انتقل الى جوار ربه، وانا لله وانا اليه راجعون. pic.twitter.com/WcNGDeuNKh
— نواف بن سعيد المالكي (@AmbassadorNawaf) April 15, 2023
خیال رہے سنیچر کو مفتی عبدالشکور کی گاڑی وفاقی دارالحکومت اسلام آباد میں اس وقت حادثے کا شکار ہو گئی تھی جب وہ ایک دوست کی طرف افطاری کے بعد وہ بغیر پروٹوکول کے خود گاڑی ڈرائیو کر کے سیکریٹریٹ کی طرف جا رہے تھے۔
حادثے کے بعد اسلام آباد پولیس کی جانب سے جاری ہونے والے بیان میں بتایا گیا تھا کہ سیکرٹریٹ چوک کی طرف جاتے ہوئے ایک ہائی لکس ریوو نے ان کی گاڑی کو ٹکر ماری، مفتی عبدالشکور کو پولی کلینک منتقل کیا گیا تاہم وہ جانبر نہ ہو سکے۔‘
مولانا عبدالشکور کا تعلق جمیت علمائے اسلام (ف) سے تھا اور وہ این اے-51 سے قومی اسمبلی کے رکن تھے۔ جے یو آئی کے میڈیا سیل کے مطابق مولانا عبدالشکور کی نماز جنازہ تاجبی خیل لکی مروت میں ادا کی گئی۔
