مکہ مکرمہ میں حرم شریف کی انتظامیہ نے نمازیوں سے مطالبہ کیا کہ وہ قریبی مساجد میں جمعہ کی نماز ادا کریں تاکہ حرم شریف میں ہجوم کو کم کیا جا سکے۔
پبلک سیکیورٹی اکاؤنٹ نے ایک ٹویٹ میں کہا کہ میرے شہری بھائی، میرے اقامت پذیر بھائی، مسجد حرام میں نمازیوں اور زائرین کی تعداد بہت زیادہ ہو رہی ہے اور آپ کا قریبی مسجد میں جمعہ کی نماز ادا کرنا بھیڑ کو کم کرنے میں ایک قابل قدر تعاون ہوگا۔
أخي المواطن .. أخي المقيم: يشهد المسجد الحرام كثافة عالية من المصلين والمعتمرين، وصلاة الجمعة في المسجد القريب منك تخفيف للازدحام وتعاون مقدر.#يسر_وطمأنينة pic.twitter.com/LDcUYeKECQ
— الأمن العام (@security_gov) April 14, 2023
مسجد حرام اور مسجد نبوی کے امور کے ادارے جنرل پریذیڈنسی نے آج جمعہ کی نماز ادا کرنے کے خواہشمندوں کے استقبال کے لیے اپنی تیاری کا اعلان کیا تھا۔
حرم شریف کی انتظامیہ کے سرکاری ترجمان ھانی بن حسنی حیدر نے کہا کہ مسجد حرام میں لوگوں کی بھیڑ کی وجہ سے انتظامیہ نے اپنی تمام انسانی، خدماتی اور عملی توانائیوں کو متحرک کر دیا ہے۔ اللہ کے مہمانوں کی جامع خدمات کی استعداد کار کو بڑھایا جارہا ہے۔