گوگل نیوز پر ہمیں فالو کریںاسلام آباد: چیئرمین نور عالم خان کی زیر صدارت پبلک اکاؤنٹس کمیٹی نے پی ٹی سی ایل، اوگرا اور نیپرا سمیت 8 اداروں کے مکمل آڈٹ کا حکم دے دیا ہے۔
تفصیلات کے مطابق پی اے سی اجلاس گزشتہ روز پارلیمنٹ ہاؤس میں ہوا۔ چیئرمین نور عالم خان نے نیپرا کا پرفارمنس آڈٹ سب سے پہلے کرنے کی ہدایت کی۔ اجلاس میں متعلقہ وزارتوں کے اعتراضات کا جائزہ لیا گیا۔
مذاکرات، روس سے پاکستان کو تیل ملنا شروع ہوجائیگا، مصدق ملک
چیئرمین کی زیر صدارت اجلاس میں وزارتِ انفارمیشن ٹیکنالوجی، وزارتِ صنعت وپیداوار اور کابینہ ڈویژن کے 21-2020 کے آڈٹ اعتراضات زیرِ غور آئے۔ نور عالم خان نے کہا کہ وزارتِ آئی ٹی اور پی ٹی سی ایل آڈٹ سے گریز کر رہے ہیں۔
نور عالم خان نے کہا کہ آئین کے تحت ہر ادارے کو آڈت کا پابند کیا گیا ہے۔ مہربانی کریں، ملک چلنے دیں۔ پی ٹی سی ایل میں پاکستان کے حصص 62 فیصد جبکہ اتصالات 800 ملین ڈالر کی نادہندہ ہے۔ سیکریٹری آئی ٹی نے کہا کہ آڈٹ پر آئین واضح ہے۔
سیکریٹری آئی ٹی کا کہنا تھا کہ پی ٹی سی ایل نے سندھ ہائیکورٹ سے ریلیف حاصل کیا جبکہ نیپرا میں کارکردگی آڈٹ کے حوالے سے مسائل موجود ہیں۔ چیئرمین نیپرا کا کہنا تھا کہ آڈیٹر جنرل آفس کے پاس آڈٹ کی صلاحیت بھی ہونی چاہئے جس پر چیئرمین پی اے سی نے برہمی کا اظہار کیا اور 8اداروں کے آڈٹ کا حکم دے دیا۔
