گوگل نیوز پر ہمیں فالو کریںدبئی: پاکستان اور افغانستان کے درمیان تین ٹی ٹوئنٹی میچز کی سیریز کا پہلا میچ آج شارجہ میں کھیلا جائے گا۔
افغانستان سے سیریز کیلئے قومی ٹیم بدھ کی رات دبئی پہنچی جہاں پر کھلاڑیوں کا شاندار استقبال کیا گیا۔
گزشتہ روز دونوں ٹیموں کے درمیان ہونے والی ٹی ٹوئنٹی سیریز کی ٹرافی کی رونمائی بھی کردی گئی، پاکستان کے کپتان شاداب خان اور افغانستان کے کپتان راشد خان نے ٹرافی کی رونمائی کی۔
افغان کرکٹ بورڈ ( اے سی بی ) کے مطابق ٹرافی افغان فنِ ثقافت اور دستکاری کی بہترین مثال ہے جو کہ ہاتھ سے بنائے گئے قالین سے تیار کی گئی اور ہمارے شاندار افغان ورثے اور روایات کی عکاسی کرتی ہے۔
دی ہنڈرڈ لیگ کی ڈرافٹنگ مکمل، مہنگا ترین پاکستان کھلاڑی کون رہا؟
دوسری جانب قومی ٹی 20 کرکٹ ٹیم کے کپتان شاداب خان نے سیریز میں کامیابی کے عزم کا اظہار کرتے ہوئے کہا ہے کہ سیریز کے دوران بے خوف ٹیم کو لیڈ کروں گا، افغانستان ٹیم کے کھلاڑی ہر لیگ میں کھیلتے ہیں اور امارات کی کنڈیشن میں وہ بہت خطرناک ٹیم ہے۔
کپتان شاداب خان کا مزید کہنا تھا کہ سینئر کھلاڑیوں کے کم بیک پر اور نوجوان کھلاڑیوں کے لئے پر جوش ہوں، رمضان میں فینز ٹیم کے لئے دعائیں کریں، ہم کوشش کریں گے کہ اچھی کرکٹ کھیلیں۔
دونوں ٹیموں کے درمیان دوسرا اور تیسرا ٹی ٹوئنٹی بالترتیب 26 اور 27 مارچ کو ہوگا اور تمام میچز رات 9 بجے شروع ہوں گے۔
