نواز شریف اور زرداری ایک بار پھر نااہلی کیلئے تیار ہوجائیں۔ فواد چوہدری

لاہور: پی ٹی آئی رہنما و سابق وزیرِ اطلاعات فواد چوہدری نے کہا ہے کہ نواز شریف اور زرداری ایک بار پھر نااہلی کیلئے تیار ہوجائیں جبکہ لاہور ہائیکورٹ کے حکم پر ریکارڈ آنے والا ہے۔

سماجی رابطے کی ویب سائٹ پر ایک پیغام کا جواب دیتے ہوئے فواد چوہدری نے کہا کہ امریکا اور مغرب میں جو اس خطے اور ملک کو سمجھتے ہیں، وہ پاکستان کو ایک بڑے بحران میں جاتا دیکھ رہے ہیں۔

یہ بھی پڑھیں:

عمران خان کو نااہل کرنے کی کوشش پر  شیخ رشید کی سخت تنقید

ٹوئٹر پیغام میں فواد چوہدری نے کہا کہ خطے کو سمجھنے والوں کی فکر 22 کروڑ کی آبادی کے ملک پاکستان کو انتشار کا شکار ہونے سے بچانے کی ہے کیونکہ اتنی بڑی ریاست انارکی میں جاسکتی ہے۔

پیغام میں سابق وزیرِ اطلاعات نے کہا کہ اگر 22 کروڑ عوام کا ملک انتشار کا شکار ہوا تو قیمت پوری دنیا کو دینی ہوگی۔امریکا اور مغرب میں ہمارے خطے کو سمجھنے والوں کو یہ فکر ہے۔

امریکہ میں اور مغرب میں جو اس ریجن اور ملک کو سمجھتے ہیں وہ پاکستان کو ایک بہت بڑے بحران میں جاتا دیکھ رہے ہیں ان کی فکر 22 کروڑ کی آبادی کے ملک کو انار کی میں جانے سے بچانے کی ہے اتنی بڑی آبادی کی ریاست اگر انار کی میں چلی گئ تو قیمت پوری دنیا کو دینی ہو گی انھیں یہ فکر ہے https://t.co/V9tSQxmEfG

— Ch Fawad Hussain (@fawadchaudhry) March 22, 2023

ایک اور ٹوئٹر پیغام میں فواد چوہدری نے کہا کہ لاہور ہائیکورٹ نے قرار دیا ہے کہ توشہ خانہ سے مفت تحفے لینا خیانتِ مجرمانہ ہے۔ آصف زرداری اور نواز شریف ایک بار پھر نااہلی کیلئے تیار ہوجائیں۔ ریکارڈ آنے والا ہے۔