گوگل نیوز پر ہمیں فالو کریںکراچی: شہر قائد کے مختلف علاقوں میں گرد آلود ہواؤں کے بعد بارش کی اطلاعات موصول ہوئی ہیں، جس کے بعد مذکورہ علاقوں میں موسم خوشگوار ہوگیا۔
ذرائع کے مطابق کراچی میں سعدی ٹاؤن، صفورا گوٹھ، ناظم آباد، گلشن اقبال، گلستان جوہر، ابوالاصفہانی روڈ، گلشن جمال، راشد منہاس روڈ، سہراب گوٹھ اور ائیرپورٹ پر تیز گرد آلود ہوائیں چلنے لگیں، اس دوران بجلی بھی چمکی اور بارش شروع ہوگئی۔
محکمہ موسمیات کا اس حوالے سے کہنا ہے کہ اس وقت کراچی میں شمال مشرق سے ہوائیں 32 کلومیٹر فی گھنٹہ کی رفتار سے چل رہی ہیں۔
ملیر، اورنگی ٹاؤن اور سپر ہائی وے کے قریب بادل موجود ہیں جس کے باعث شہر میں آدھے سے ایک گھنٹے کے دوران وقفے وقفے سے ہلکی بارش کا امکان ہے۔
دوسری جانب شہر کے مختلف علاقوں میں بارش کے باعث سڑکوں پر پھسلن سے متعدد موٹر سائیکل سوار پھسل کر زخمی ہوگئے۔
