خاتون جج کو دھمکی کا کیس، عمران خان آج پیش نہیں ہوئے تو وارنٹ جاری کردونگا، جج

اسلام آباد: ڈسٹرکٹ اینڈ سیشن کورٹس اسلام آباد کے جج نے ریمارکس دیے کہ آج اگر عمران خان عدالت نہیں آتے تو وارنٹ گرفتاری جاری کردوں گا۔

عمران خان کے خلاف خاتون جج زیبا چوہدری کو دھمکی دینے کے کیس کی سماعت ہوئی۔ سول جج رانا مجاہد رحیم کی عدالت میں عمران خان کے وکیل نعیم پنجوتھہ پیش ہوئے۔

سیکیورٹی خدشات کی بنیاد پر عمران خان کی جانب سے حاضری سے استثنیٰ کی درخواست دائر کی گئی۔

یہ بھی پڑھیں:

لاہور ہائیکورٹ کا حکومت کو 2002 سے پہلے کا ریکارڈ آج ہی پیش کرنیکا حکم

جج نے ریمارکس دیے کہ آج اگر عمران خان نہیں آتے تو وارنٹ جاری کر دوں گا، عدالتی اوقات کے دوران عمران خان آج نا آئے تو ناقابلِ ضمانت وارنٹ گرفتاری جاری کردوں گا۔عدالت نے 12:30 تک سماعت میں وقفہ کر دیا ہے۔

عمران خان کو کیس کی کاپیاں دینے کے لیے عدالت نے آج طلب کر رکھا ہے، عمران خان کے خلاف تھانہ مارگلہ میں مقدمہ درج ہے۔