تری پورہ، انتہا پسندوں نے الیکشن جیتنے پر اپنے ہی ہندوؤں کے گھر جلا دئیے

نئی دہلی: بھارت میں شدت پسندی عروج پر پہنچ گئی۔ انتہا پسندوں نے بھارتی ریاست تری پورہ میں  الیکشن جیتنے پر ووٹ نہ دینے والے اپنے ہی ہندوؤں کے گھر جلا دئیے ہیں۔

سماجی رابطے کی ویب سائٹ ٹوئٹر پر گھر جلائے جانے کی ویڈیو شیئر کرتے ہوئے سویڈن میں تعلیم دینے والے بھارتی پروفیسر اشوک سوائن نے حکمراں جماعت بی جے پی کی انتہا پسندی بے نقاب کردی۔

یہ بھی پڑھیں:

بھارت میں انتہا پسند ہندوؤں کا ایک اور مسجد پر حملہ، توڑ پھوڑ

ٹوئٹر پیغام میں پروفیسر اشوک سوائن نے کہا کہ تری پورہ میں جب ہندو انتہا پسند الیکشن جیت گئے تو انہوں نے گھروں کو جلایا اور ان ہندوؤں پر حملے کیے جن کی جانب سے انتخابات کے دوران  انتہا پسندوں کو ووٹ نہیں دئیے گئے۔

After the Hindu supremacists won the election in Tripura, India, they are burning down houses and attacking those Hindus who didn’t vote for them! pic.twitter.com/LLXz7ca4hW

— Ashok (@ashoswai) March 4, 2023

خیال رہے کہ اس سے قبل تریپورہ میں 60 رکنی ریاستی اسمبلی میں انتہا پسندوں کے حمایت یافتہ بی جے پی اور آئی پی ایف ٹی اتحاد نے 33 نشستیں اپنے نام کر لیں جس سے ریاست میں مسلسل دوسری بار انتہا پسندوں کی حکومت قائم ہوگئی۔

بھارتی الیکشن کمیشن کی ویب سائٹ کے مطابق مرکز پر حکمران نریندر مودی کی بی جے پی پارٹی نے تری پورہ میں 30 نشستیں جیتیں جبکہ پیپلز فرنٹ آف تری پورہ (آئی پی ایف ٹی) نے 1 نشست اپنے نام کر لی۔

جمعرات کے روز 2 مزید نشستیںب بھی زعفرانی پارٹی کہلانے والی بی جے پی نے اپنے نام کر لی۔ مرکزی حکومت کے وزیرِ داخلہ امیت شاہ سمیت دیگر بی جے پی رہنماؤں نے الیکشن میں جیت پر خوشی کا اظہار کیا۔