گوگل نیوز پر ہمیں فالو کریںپاکستان نے ڈنمارک میں قرآن پاک کی بے حرمتی کی شدید مذمت کرتے کہا ہے کہ کوئی شبہ نہیں کہ آزادای اظہار کے نام پر نفرت اور تشدد کو فروغ دیا جا رہا ہے۔
گزشتہ ہفتے سویڈن کے بعد ڈنمارک میں بھی آزادی اظہار کی آڑ میں امت مسلمہ کے جذبات مجروح کیا گیا۔ ڈنمارک کے دار الحکومت اسٹاک ہوم میں مسلم مخالف شدت پسند سیاسی رہنما راسموس پالودان نے ترکیہ کے سفارت خانے کے سامنے قرآن کریم کا نسخہ شہید کیا۔
دفتر خارجہ کی ترجمان ممتاز زہرا بلوچ نے ڈنمارک میں قرآن پاک کی بے حرمتی کی شدید مذمت کرتے ہوئے کہا ہے کہ اسلاموفوبیا کے شکار شخص نےڈنمارک میں بھی اشتعال انگیز حرکت دہرائی ہے۔
یہ بھی پڑھیں:
نواز شریف جلد عوام کے درمیان ہوں گے، مریم نواز
دفتر خارجہ کی ترجمان کا کہنا ہے کہ اس میں کوئی شبہ نہیں کہ آزادی اظہار کے نام پر نفرت اور تشدد کو فروغ دیا جا رہا ہے، نسل پرستی اور اسلاموفوبيا کو روکنا عالمی برادری کی ذمہ داری ہے۔
ترجمان دفتر خارجہ کا کہنا ہے کہ عالمی برادری نفرت پھیلانے والوں پر آنکھیں بند نہیں کر سکتی، پاکستان نے اپنی تشویش سے ڈینش حکام کو آگاہ کر دیا ہے، ڈینش حکام پاکستان اور دنیا بھر کے مسلمانوں کے جذبات کا خيال رکھيں اور نفرت اور اسلاموفوبیا پر مبنی کارروائیاں روکنے کيلئے اقدامات کئے جائیں۔
