گوگل نیوز پر ہمیں فالو کریںاسلام آباد : وفاقی وزیر مذہبی امور پیر نور الحق قادری نے کہاہے کہ ناروے میں قرآن کریم کی بے حرمتی کا واقعہ انتہائی افسوس ناک ،آزادی اظہار کے نام پر مذاہب اور مقدسات کی بے حرمتی قابل مذمت ہے۔
قرآن کریم کی توہین ہمارے لئے ناقابل برداشت ہے، مغرب اور یورپ کو ایسے شرمناک واقعات پر قابو پانا چاہئے اور مسلمانوں سے معافی مانگنی چاہئے۔
مزید پڑھیں :ناروے میں قرآن کی بے حرمتی کے واقعے پر عالمی برادری کی شدید مذمت
اپنے ایک بیان میں وفاقی وزیر مذہبی امور نور الحق قادری نے کہا کہ ناروے میں قرآن کریم کی بے حرمتی کا واقعہ افسوس ناک ،آزادی اظہار کے نام پر مذاہب اور مقدسات کی بے حرمتی قابل مذمت ہے۔
انہوں نے کہا کہ ایک ارب سے زیادہ مسلمانوں کی توہین ہوئی ہے اور ان کے دینی اور روحانی جذبات کو ٹھیس پہنچائی گئی ہے۔
انہوں نے کہا کہ بحیثیت مسلمان تمام مذاہب کے احترام پر یقین رکھتے ہیں۔ انہوں نے کہا کہ مذوب اسلام کے تمسخر یا قرآن کریم کی توہین ہمارے لئے ناقابل برداشت ہے۔
انہوں نے کہا کہ قرآن کریم اللہ تعالی کے طرف سے اپنے حبیب صلی اللہ علیہ وسلم پر نازل وحی اور رہتی دنیا تک صحیفہ رشد و ہدایت ہے۔
یہ بھی پڑھیں :حاجیوں کو سبسڈی دینے کا تو جواز نہیں بنتا،پیسے واپس لے لیں ، نور الحق قادر ی
