گوگل نیوز پر ہمیں فالو کریںلاہور: وزیر آباد میں سابق وزیر اعظم اور پاکستان تحریک انصاف کے چیئرمین عمران خان پر حملہ تین مختلف سمتوں سے شروع کیا گیا تھا جس میں کم از کم تین افراد ملوث تھے۔
پولیس اور عینی شاہدین کا کہنا ہے کہ گولیاں تین مختلف سمتوں سے چلائی گئیں۔ ایک نجی ٹی وی چینل نے رپورٹ کیا کہ حملہ آوروں میں سے ایک نے قریبی ورکشاپ کی چھت سے کنٹینر پر فائرنگ کی۔
اس سے قبل یہ دعویٰ کیا گیا تھا کہ صرف ایک حملہ آور تھا جسے ہجوم کے ایک رکن نے پکڑا تھا۔
اس کی شناخت نوید کے نام سے ہوئی ہے۔ اس نے پولیس کی جانب سے ریکارڈ کیے گئے اعترافی ویڈیو بیان میں یکطرفہ طور پر حملہ کرنے کا اعتراف کیا۔ملزم کو تھانہ صدر گجرات بھیج دیا گیا۔
پولیس نے بتایا کہ انہوں نے مشتبہ شخص سے چار میگزین کے ساتھ ایک نائن ایم ایم پسٹل بھی بر آمد کیا ہے۔ اس کے بعد پنجاب پولیس نے ایک اور شخص کو گرفتار کیا تھا۔
دریں اثنا، پنجاب پولیس نے کہا ہے کہ وہ اس علاقے میں سونگھنے والے کتوں کے ذریعے سرچ آپریشن شروع کر کے تیسرے ملزم کی تلاش کر رہے ہیں۔
مزید پڑھیں:عمران خان کے کنٹینر پر حملہ، ملک بھر میں کارکنان کا احتجاج
دریں اثناء پولیس نے حملے کے علاقے کو سیل کر دیا ہے۔انہوں نے ثبوت جمع کرنے والے فرانزک کے ساتھ پی ٹی آئی کے کنٹینر کو بھی گھیرے میں لے لیا ہے۔
