گوگل نیوز پر ہمیں فالو کریںکیلیفورنیا: مائیکروبلاگنگ ویب سائٹ ٹوئٹر کے سربراہ ایلون مسک نے کہا ہے کہ بلیو ٹک (ویریفیکیشن) کے حامل اکاؤنٹس صارفین کو ماہانہ آٹھ ڈالر کی فیس ادا کرنی ہوگی۔
ایلون مسک نے کمپنی کی ماضی کی پالیسی کو تنقید کا نشانہ بناتے ہوئے لکھا کہ ٹوئٹر کی موجودہ پالیسی فرسودہ ہے، جس کے تحت بلیو ٹک اور عام صارفین کے درمیان تفریق پیدا کی گئی ہے۔
انہوں نے واضح کیا کہ بلیو ٹک والے اکاؤنٹ مستقبل میں زیادہ بااختیار ہوں گے اور ایسے صارفین کو ہر ماہ 8 ڈالر فیس ادا کرنا ہوگی (جو پاکستانی کرنسی کے حساب سے تقریبا 1800 روپے کے قریب بندی ہے)۔
واٹس ایپ کا نیا فیچر متعارف، پیغام کیساتھ اب تصویر بھی نظر آئیگی
مائیکرو بلاگنگ ویب سائٹ کے مالک نے فیس لینے کی وجہ بیان کرتے ہوئے یہ بھی لکھا کہ وہ سارے پبلشرز جو شراکت داری کے خواہش مند ہیں اُن کے لیے ٹوئٹر پے وال بائی پاس ہوگا۔ پے وال بائی پاس ایک ایسا انتباہ ہوتا ہے جو صارف کو بتاتا ہے کونٹینٹ تک بغیر ادائیگی کے رسائی حاصل نہیں کی جاسکتی۔
ایلون مسک کا مزید کہنا تھا کہ ایسا کرنے سے ٹوئٹر کی آمدنی کا ذریعہ بنے گا جس سے منفرد تخلیق کاروں کو اشتہارات کے ذریعے ادائیگیاں کی جائیں گی۔
