گوگل نیوز پر ہمیں فالو کریںپشاور: خیبر پختونخوا پولیس نے چیئرمین پی ٹی آئی عمران خان کے لانگ مارچ کے تناظر میں اہلکاروں اور افسران کیلئے ہدایات جاری کرتے ہوئے کہا ہے کہ پولیس احتجاج میں حصہ نہیں لے سکتی۔
تفصیلات کے مطابق خیبر پختونخوا پولیس کو جاری ہدایات میں کہا گیا کہ کوئی اہلکار سرکاری ڈیوٹی کے علاوہ پنجاب میں داخل نہ ہو۔ پولیس کے اہلکار احتجاج میں بطور شرکاء حصہ نہیں لے سکتے۔
حالات سے دلبرداشتہ خاتون نے ناظم آباد کے پل سے چھلانگ لگا دی
پولیس کے اہلکاروں اور افسران کو جاری مراسلے میں کہا گیا کہ وفاقی حکومت نے احتجاج کا طریقہ کار وضع کر رکھا ہے۔ کوئی بھی سرکاری ملازم احتجاج کا حصہ نہ بنے۔
مراسلے میں کہا گیا کہ کوئی بھی پولیس اہلکار اپنے علاقے سے تجاوز نہ کرے، قانون کے مطابق پولیس اہلکاروں کو صرف اپنی ڈیوٹی تک محدود رہنا ہوگا۔
خیال رہے کہ اس سے قبل لانگ مارچ کے دوران کامونکی میں پولیس اہلکاروں نے نجی ٹی وی چینلز کے صحافیوں، رپورٹرز اور کیمرہ مین پر تشدد کیا جس کے نتیجے میں متعلقہ ایس ایچ او کو معطل کردیا گیا۔
سی پی او کا کہنا تھا کہ ہم نے انکوائری کیلئے تفتیشی افسر ایس پی صدر وقار عظیم کو مقرر کیا ہے۔ گزشتہ روز صوبائی مشیرِ داخلہ عمر سرفراز چیمہ نے واقعے کا نوٹس لیتے ہوئے رپورٹ طلب کر لی۔
