دورۂ سعودی عرب، وزیر اعظم شہباز شریف نے عمرہ ادا کر لیا

منگل کے روز وزیر اعظم شہباز شریف نے سعودی ولی عہد محمد بن سلمان سے ملاقات کے دوران پاک سعودی عرب تعلقات  اور باہمی دلچسپی کے امور پر گفتگو کی۔

دورۂ سعودی عرب کے دوران وزیر اعظم شہباز شریف نے دارالحکومت ریاض میں فیوچر انوسٹمنٹ انیشیٹیو سربراہی اجلاس سے خطاب کیا۔ سعودی ولی عہد محمد بن سلمان نے وزیر اعظم کا پرتپاک استقبال کیا تھا۔

سعودی ہم منصب محمد بن سلمان نے وزیر اعظم شہباز شریف سے گرمجوشی سے مصافحہ کیا اور ملاقات کے دوران دو طرفہ تعلقات، اقتصادی شعبے میں تعاون کو مزید فروغ دینے پر گفتگو ہوئی۔

وزیرِ دفاع خواجہ آصف، وزیرِ خزانہ اسحاق ڈار، وزیرِ اطلاعات مریم اورنگزیب اور وزیرِ مملکت برائے خارجہ حنا ربانی کھر بھی اس موقعے پر موجود تھیں۔ وزیر اعظم نے تاجر برادری کو پاکستان میں سرمایہ کاری کی دعوت دی۔