گوگل نیوز پر ہمیں فالو کریںکراچی کے ساحل سمندر پر معروف بزرگ حضرت عبد اللہ شاہ غازیؒ کے مزار پر گزشتہ رات 2 مذہبی گروہوں میں تصادم ہوا، جس کے بعد پولیس نے کسی بھی ناخوشگوار واقعے سے بچنے کیلئے مزار کو تین دن کیلئے بند کر دیا۔
تصادم کی اطلاع پر پولیس نے موقع پر پہنچ کر دونوں گروہوں کے افراد کو منتشر کیا جس کے بعد پولیس اور رینجرز کی بھاری نفری نے مزار کوگھیرے میں لے کر زائرین کے لئے مزار کو 3 دن کے لیے بند کردیا۔
پولیس نے مطابق 200 سے زائد نامعلوم افراد کے خلاف مقدمہ درج کرلیا گیا ہے۔
ذرائع کے مطابق تصادم مزار کے انتظامات سنبھالنے کے معاملے پر ہو ا، ذرائع کا کہنا ہے کہ متصادم جماعتوں میں سے ایک کا تعلق بریلوی مکتب فکر سے جبکہ دوسری کا تعلق اہل تشیع سے ہے۔ پولیس کے مطابق حالات کنٹرول میں ہیں۔
مزار کے اطراف کی سڑکوں کو ٹریفک کے لئے بند کردیا گیا ہے اور کسی بھی زائر کو مزار کی طرف جانے کی اجازت نہیں ہے۔
