گوگل نیوز پر ہمیں فالو کریںواشنگٹن: وزیر خارجہ بلاول بھٹو زرداری نے دورۂ امریکا کے دوران امریکی نمائندۂ خصوصی برائے تجارتی و کاروباری امور دلاور سیّد سے ملاقات کی ہے جس میں پاک امریکا تعلقات پر گفتگو ہوئی۔
تفصیلات کے مطابق وزیر خارجہ بلاول بھٹو زرداری کی ملاقات امریکی نمائندۂ خصوصی برائے تجارتی و کاروباری امور دلاور سیّد سے گزشتہ روز ہوئی جس میں پاکستان میں سیلاب کی صورتحال اور امریکا کی معاونت پر گفت و شنید ہوئی۔
ملاقات کے دوران پاکستان اور امریکا کے مابین دو طرفہ تجارتی تعلقات کے فروغ پر بھی گفتگو ہوئی۔ امریکی نمائندۂ خصوصی دلاور سیّد کا کہنا تھا کہ پاکستان میں سیلاب کی تباہ کاریوں پر افسوس ہے۔ اس دوران وزیرِ مملکت برائے خارجہ حنا ربانی کھر بھی موجود تھیں۔
آڈیو لیک میں پی ٹی آئی کا ہاتھ ہے، ن لیگی رہنما
خیال رہے کہ وزیر خارجہ بلاول بھٹو زرداری نے امریکا میں واشنگٹن کا دورہ کیا ہے جہاں ارکانِ کانگریس اور امریکی سینیٹرز سے بھی ملاقاتیں ہوں گی۔ اس دوران وزیر خارجہ امریکی تھنک ٹینکس اور میڈیا نمائندگان سے بھی گفتگو کریں گے اور پاکستان میں سیلاب سے پیدا ہونے والے مسائل پر گفتگو ہوگی۔
قبل ازیں پاکستان میں سیلاب کی تباہ کاریوں کے متعلق وزیر خارجہ بلاول بھٹو زرداری کا کہنا تھا کہ ملک بھر میں سیلاب سے ساڑھے 3 کروڑ افراد بے گھر ہوئے، پاکستان کو امداد یا بھیک نہیں بلکہ عالمی برادری سے انصاف چاہئے۔
