گوگل نیوز پر ہمیں فالو کریںاسلام آباد: سابق وزیرِ اطلاعات و پی ٹی آئی رہنما فواد چوہدری نے کہا ہے کہ وزیر اعظم شہباز شریف کی لیک کال کئی حوالوں سے انتہائی تشویشناک ہے۔
سماجی رابطے کی ویب سائٹ ٹوئٹر پر اپنے پیغام میں گزشتہ روز پی ٹی آئی رہنما فواد چوہدری نے کہا کہ وزیر اعظم کی لیکڈ کال کئی حوالوں سے انتہائی تشویشناک ہے، ہمیشہ کی طرح خاندانی کاروبار کیلئے قوانین بالائے طاق رکھے جارہے ہیں۔
شہبازشریف کو اس لیے لایا گیا یہ سارے حکم مانے گا، عمران خان
ٹوئٹر پیغام میں سابق وفاقی وزیر فواد چوہدری نے کہا کہ قوانین کو بالائے پشت رکھنا تو شریف خاندان کا پرانا وطیرہ ہے ہی لیکن 2 نجی ٹی وی چینلز کے نیوز ہیڈز کی شہباز شریف اور حکومتی مشورہ سازی میں کردار میڈیا پر ایک اور کلنک کا ٹیکا ہے۔
وزیر اعظم کی Leaked Call کئ حوالوں سے انتہائ تشویشناک ہے ہمیشہ کی طرح خاندانی کاروبارکےتحفظ کیلئے قوانین کو بالائے پشت رکھنا تو شریف فیملی کا پرانا وطیرہ ہے ہی لیکن ایکسپریس اور جیو کے نیوز ہیڈز کی شہباز شریف اور حکومتی مشورہ سازی میں کردار میڈیا پر ایک اور کلنک کا ٹیکا ہے https://t.co/bvgZIdMlls
— Ch Fawad Hussain (@fawadchaudhry) September 24, 2022
گزشتہ روز ہی اپنے ایک اور ٹوئٹر پیغام میں فواد چوہدری نے کہا کہ وزیر اعظم آفس کی گفتگو ہیکرز کی ویب سائٹ پر 3 لاکھ 45 ہزار ڈالرز میں خریداری کیلئے دستیاب ہے، جس سے وزیر اعظم آفس کی سکیورٹی کی سطح سامنے آئی ہے۔
Shocking! PM of Pak office conversations are available on hackers website for 345,000 USD, really shows the security levels of PMO …. https://t.co/5P6M4TlgCu
— Ch Fawad Hussain (@fawadchaudhry) September 24, 2022
خیال رہے کہ انٹرنیٹ پر وزیر اعظم شہباز شریف کی آڈیو لیک کے علاوہ اعظم تارڑ، رانا ثناء اللہ، ایاز صادق، خواجہ آصف اور وزیر اعظم کی پی ٹی آئی استعفوں پر بھی ایک اور آڈیو لیک ہوئی ہے جسے سابق وزیر اطلاعات فواد چوہدری شیئر کرتے نظر آئے۔
Conversation amongst Azam Tarrar, Rana Sanaullah, Ayaz Sadiq, Kh Asif and PM on PTI resignations https://t.co/6t3Ldozr2R
— Ch Fawad Hussain (@fawadchaudhry) September 25, 2022
