گوگل نیوز پر ہمیں فالو کریںاسلام آباد: پاکستان ریلوے نے سیلاب کے باعث معطل کراچی تا پشاور ریل سروس کو یکم اکتوبر سے بحال کرنے کا فیصلہ کر لیا ہے۔ یہ فیصلہ چیف انجینئر پاکستان ریلوے کے سکھر سے کراچی تک روٹ ٹریک کے معائنے کے بعد کیا گیا۔
ریلوے حکام کے مطابق ٹریک کی درستی، مرمتی اور مٹی کی بھرائی کا کام 24 گھنٹے کی شفٹ ڈیوٹیوں میں کیا جائے گا اور 29 ستمبر تک ٹریک کی مرمت کا کام مکمل ہوجائے گا۔
ریلوے حکام کا کہنا ہے کہ آئندہ 2 روز میں یکم اکتوبر کے لیے ٹرینوں کی بکنگ بھی شروع کر دی جائے گی۔
واضح رہے کہ گزشتہ ماہ ملک بھر بالخصوص سندھ اور بلوچستان میں ہونے والی طوفانی بارشوں کے نتیجے میں سیلاب کے باعث کراچی کا گزشتہ 26 اگست سے ملک بھر سے بذریعہ ٹرین رابطہ منقطع ہے۔
مزید پڑھیں:گندم قیمتوں کو ریورس گیئر، قیمت 400 روپے من تک کم ہو گئی
وقت گزرنے کے ساتھ سیلابی پانی کم ہونے کے نتیجے میں ملک بھر میں ٹرین سروس کی بحالی کا سلسلہ بتدریج جاری ہے۔ریلوے حکام نے سکھر میں سیلابی پانی کم ہونے کے بعد 10 ستمبر سے سکھر تک ٹرین آپریشن بحال کر دیا تھا۔
