خاتون جج کو دھمکانے کا کیس، عمران خان کی عدالت پیشی سے متعلق سرکلر جاری

مقبول خبریں

کالمز

موسم

قیمتیں

ٹرانسپورٹ

خاتون جج کو دھمکانے کا کیس، عمران خان کی عدالت پیشی سے متعلق سرکلر جاری
خاتون جج کو دھمکانے کا کیس، عمران خان کی عدالت پیشی سے متعلق سرکلر جاری

اسلام آباد ہائی کورٹ نے خاتون جج کو دھمکی دینے پر توہین عدالت میں سابق وزیراعظم عمران خان کی عدالت پیشی سے متعلق سرکلر جاری کردیا۔

رجسٹراراسلام آباد ہائیکورٹ نے سماعت کے دوران ضابطہ اخلاق کا سرکلرجاری کردیا جس میں کہا گیا کہ کمرہ عدالت نمبر ایک میں انٹری رجسٹرار آفس کے جاری کردہ پاس سے مشروط ہوگی۔

سرکلر میں یہ بھی کہا گیا ہے کہ عمران خان کی لیگل ٹیم کے 15 وکلا کمرہ عدالت میں موجود ہو سکیں گے۔ اٹارنی جنرل آفس اور ایڈوکیٹ جنرل آفس سے 15 لا افسران کو اجازت ہوگی۔

یہ بھی پڑھیں :

پی ٹی آئی کی تعزیرات پاکستان میں بغاوت کی دفعہ کالعدم قرار دینے کی درخواست مسترد

اسلام آباد ہائی کورٹ کے جاری کردہ سرکلر کے مطابق تین عدالتی معاونین کو کمرہ عدالت میں جانے کی اجازت ہوگی۔ پندرہ کورٹ رپورٹرز کو کمرہ عدالت میں موجودگی کی اجازت ہوگی۔ ہائی کورٹ اور ڈسٹرکٹ بار کے پانچ پانچ وکلا کو اجازت ہوگی۔

اسلام آباد ہائی کورٹ جرنلسٹس ایسوسی ایشن کو 15 صحافیوں کی لسٹ جمع کرانے کی ہدایت کی گئی ہے۔ لسٹوں کی فراہمی کے بعد اسلام آباد ہائی کورٹ کا رجسٹرار آفس پاس جاری کرے گا۔

سرکلر کے مطابق کورٹ ڈیکورم کو برقراررکھنے کے لیے اسلام آباد انتظامیہ اور پولیس سیکیورٹی کے انتظامات کرے۔

چیف جسٹس اطہرمن اللہ کی سربراہی میں اسلام آباد ہائی کورٹ کا لارجر بنچ 3 اکتوبر کو دن اڑھائی بجے کیس کی سماعت کرے گا۔

Related Posts