انڈے، آٹا، دال کی قیمتوں میں اضافہ، مہنگائی کی شرح 40 فیصد سے نیچے نہ آسکی

ادارہ شماریات کے مطابق رواں ہفتے 10 اشیاء ضروریہ کی قیمتوں میں کمی واقع ہوئی جبکہ 11 اشیاء کی قیمتیں مستحکم رہیں ہیں۔

رپورٹ میں بتایا گیا ہے کہ رواں ہفتے دال مونگ کی فی کلو قیمت میں 8 روپے 31 پیسے، 20 کلو آٹے کا تھیلا 25 روپے 41 پیسے اور دال ماش کے بھاؤ میں 6 روپے 34 یسے کا اضافہ ہوا ہے۔

چائے 18.6 روپے، تازہ دودھ 95 پیسے، باسمتی چاول 1.32 روپے، لال مرچ 1.42 روپے، گڑ 16 پیسے اور خشک دودھ 4 پیسے مہنگا ہوا ہے۔

اس کے علاوہ مٹن کی فی کلو قیمت میں 3 روپے 98 پیسے کا اضافہ ریکارڈ کیا گیا ہے جب کہ فی درجن انڈوں کی قیمت 2 روپے 54 پیسے اضافے سے 242 روپے تک پہنچ گئی ہے۔

دوسری جانب ادارہ شماریات کے مطابق رواں ہفتے پیازکی قیمت میں 16 روپے 24 اور ٹماٹر کی فی کلو قیمت میں 9 روپے 84 پیسے تک کمی ہوئی ہے جب کہ مائع پیٹرولیم گیس (ایل پی جی) کا گھریلو سلنڈر 80 روپے تک سستا ہوا ہے۔