اسٹاک مارکیٹ میں 239 پوائنٹس کی مندی

کراچی: پاکستان اسٹاک ایکسچینج میں آج کاروباری روز (جمعرات) کے دوران مندی کی صورتحال دیکھنے کو ملی۔

آج کاروبار کے دوران پاکستان اسٹاک ایکسچینج میں 100 انڈیکس میں 239 پوائنٹس کی کمی ہوئی۔ 

کاروبار کے اختتام پر اس کمی کے بعد پی ایس ایکس بینچ مارک 100 انڈیکس 14 ہزار 772 پوائنٹس پر بند ہوا۔

کاروباری دن میں انڈیکس 584 پوائنٹس کے بینڈ میں رہا، انڈیکس کی آج کم ترین سطح 41 ہزار 727 رہی۔

حصص بازار میں آج 25 کروڑ 99 لاکھ شیئرز کے سودے 10 ارب 11 کروڑ روپے میں طے ہوئے۔ مارکیٹ کیپٹلائزیشن 46 ارب روپے کم ہو کر 6 ہزار 885 ارب روپے ہے۔

دوسری جانب آج انٹر بینک میں کاروبار کے اختتام پر ڈالر 1 روپے 56 پیسے مہنگا ہونے کے بعد 235 روپے 88 پیسے کا ہوگیا۔