انگلینڈ کرکٹ ٹیم کل 17سال بعد پاکستان پہنچے گی

کراچی: انگلش کی کرکٹ ٹیم 17 سال بعد دورہ پاکستان کے لیے کل کراچی پہنچ جائے گی۔ جبکہ انگلینڈ کرکٹ ٹیم کے کپتان جوز بٹلر کل دوپہر دو بجے میڈیا سے بات کریں گے۔

انگلینڈ کی کرکٹ ٹیم پہلا پریکٹس سیشن جمعہ کی شام کرے گی جبکہ ہفتے کو پاکستان اور انگلینڈ دونوں ٹیمیں پریکٹس سیشن کریں گی۔اس کے علاوہ پاک انگلینڈ سیریز کے پریکٹس شیڈول کا بھی اعلان کر دیا گیا ہے۔

پاکستان اور انگلینڈ کے مابین 7 ٹی ٹوئنٹی انٹرنیشنل میچز پر مشتمل سیریز کا آغاز 20 ستمبر کو کراچی سے ہوگا۔ پاکستان کے کرکٹ شائقین انگلینڈ کرکٹ ٹیم کے 17سال پاکستان آمد پر کافی پر جوش ہیں۔

مزید پڑھیں:پاکستان نے نیوزی لینڈ کو شکست دیکر اوور 60 کرکٹ ورلڈکپ جیت لیا

پاکستان میں منعقد ہونے والی سیریز کے ابتدائی چار میچز 20، 23،22 اور 25 ستمبر کو نیشنل اسٹیڈیم کراچی میں کھیلے جائیں گے،جبکہ 28، 30 ستمبر اور 2 اکتوبر کو شیڈول میچز قذافی اسٹیڈیم لاہور میں کھیلے جائیں گے۔