فیروز خان کی اہلیہ نے بیٹی کی پہلی جھلک شیئر کردی

پاکستانی ڈرامہ و فلم انڈسٹری کے معروف اداکار فیروز خان کی اہلیہ علیزے سلطان نے بیٹی کی پہلی جھلک شیئر کر دی ہے۔

گزشتہ روز فیروز خان کی اہلیہ سیدہ علیزے سلطان نے فوٹو اینڈ ویڈیو شیئرنگ ایپ انسٹاگرام پر اپنی ننھی سی پری کی تصویر شیئر کی۔

 

View this post on Instagram

 

A post shared by Syeda Aliza Sultan (@alizasultankhan)

علیزے سلطان نے اپنی بیٹی کی تصویر شیئر کرتے ہوئے کیپشن میں لکھا کہ ’یہ خوبصورت میرا سب سے چھوٹا بچہ ہے‘۔

دوسری جانب سوشل میڈیا پر یہ خبر تیزی سے وائرل ہورہی ہے جبکہ صارفین کی جانب سے دعوٰی کیا جا رہا ہے کہ یہ علیزے اور فیروز خان کی بیٹی فاطمہ کی تصویر ہے۔

یاد رہے کہ رواں سال کے آغاز میں فیروز خان نے اپنی بیٹی کی پیدائش کی خبر مداحوں کے ساتھ سوشل میڈیا پر شیئر کی تھی، جبکہ فیروز خان نے یہ بھی بتایا تھا کہ انہوں نے اپنی بیٹی کا نام فاطمہ خان رکھا ہے۔

واضح رہے فیروز خان اور علیزے فیروز خان 2018ء میں شادی کے بندھن میں بندھے تھے۔ 3 مئی 2019ء کو ان کے ہاں پہلے بیٹے کی پیدائش ہوئی تھی جس کا نام جوڑے نے محمد سلطان خان رکھا تھا۔