گوگل نیوز پر ہمیں فالو کریںاسلام آباد:مقبوضہ کشمیر کے حریت رہنماء سید علی گیلانی کی پہلی برسی پر بھارتی ناظم الامور کو دفترخارجہ طلب کیاگیا، پاکستان نے حریت رہنما سید علی گیلانی کی مرضی کے مطابق تدفین کا حق قبول کرنے سے انکار پر سخت احتجاج کیا۔
ترجمان دفتر خارجہ عاصم افتخار کا اس حوالے سے کہنا ہے کہ حریت رہنما سید علی گیلانی کی پہلی برسی پر بھارتی ناظم الامور کو طلب کر کے احتجاجی مراسلہ تھمایا گیا۔
ترجمان دفتر خارجہ کے مطابق پاکستان حریت رہنما کی پہلی برسی پر کشمیریوں کے ساتھ مکمل یکجہتی کا اظہار کرتا ہے۔
ترجمان دفتر خارجہ کے مطابق پاکستان نے سیّد علی گیلانی کی مرضی کے مطابق تدفین کے حق کو قبول کرنے سے انکار پر بھارت سے سخت احتجاج کیا۔
مزید پڑھیں:سید علی گیلانی کی جدوجہد آنے والی نسلوں کیلئے مشعل راہ ہے، ڈی جی آئی ایس پی آر
