ٹیلر سوئفٹ کا نیا گانا ’مڈ نائٹس‘ اکتوبر میں ریلیز ہوگا

معروف امریکی گلوکارہ ٹیلر سوئفٹ کا نیا گانا ’مڈ نائٹس‘ اکتوبر میں ریلیز ہوگا۔

گزشتہ دنوں ایک ایوارڈ کی تقریب کے دوران گلوکارہ نے اپنے مداحوں کو خوشخبری دیتے ہوئے کہا کہ بہت جلد میرا نیا گانا ریلیز ہورہا ہے۔

ٹیلر سوئفٹ نے کہا کہ مجھے معلوم ہے کہ آپ لوگ ہمیشہ بہت زیادہ پیار دیتے ہیں اسی لئے میں امید کرتی ہوں کہ اسے بھی آپ لوگ اتنا ہی پیار دیں گے۔

Midnights, the stories of 13 sleepless nights scattered throughout my life, will be out October 21. Meet me at midnight.

Pre-order now: https://t.co/jjqUNkphuG pic.twitter.com/Fh96zK8vro

— Taylor Swift (@taylorswift13) August 29, 2022

ٹیلر سوئفٹ کا کہنا تھا کہ مڈنائٹس 21 اکتوبر کو ریلیز ہوگا۔

قبل ازیں امریکی معروف گلوکار ٹیلر سوئفٹ پر 1 ملین ڈالرز کے کاپی رائٹ کا مقدمہ ایک بار پھر سامنے آیاتھا۔ رپورٹ کے مطابق مصنفہ ٹریسا لا ڈارٹ نے 23 اگست کو امریکی گلوکارہ ٹیلر سوئفٹ کی خلاف ٹینیسی کی ایک وفاقی عدالت میں 1 ملین ڈالرز ہرجانے کا کاپی رائٹس کا مقدمہ دائر کیا ہے۔

مصنفہ نے گلوکارہ پر مقدمہ درج کرواتے ہوئے الزام لگایا ہے کہ گلوکارہ 2019ء میں ریلیز ہونے والے البم ‘لوور’ کے لیے ان کی 2010ء میں شائع ہونے والی شاعری کی کتاب ‘لوور’ سے مواد کاپی کیا ہے جبکہ ناصرف گلوکارہ کے البم کا عنوان ان کی شاعری کی کتاب سے ملتا ہے بلکہ کانٹینٹ بھی ایک جیسا ہی ہے۔