پاک بھارت میچ سے قبل کپتان بابر اعظم کا ٹیم سے جذباتی خطاب، ویڈیو وائرل

قومی کرکٹ ٹیم آج بھارت کے خلاف اپنا ایشیا کپ کا پہلا میچ کھیلنے والی ہے جس سے قبل کپتان بابر اعظم کی ٹیم کو ہدایات دینے اور جذباتی خطاب  کی ویڈیو سوشل میڈیا پر وائرل ہوگئی۔

تفصیلات کے مطابق کپتان بابر اعظم نے روایتی حریف بھارت کے خلاف میچ سے قبل کھلاڑیوں سے خطاب کرتے ہوئے کہا کہ ٹی 20 ورلڈ کپ میں ہم نے بھارت کو کس طرح ہرایا تھا، اسے یاد کریں۔ اسی باڈی لینگویج سے کھیل پیش کرنا ہے۔

یہ بھی پڑھیں:

ایشیا کپ 2022، پاکستان اور بھارت کے مابین کرکٹ میچ آج ہوگا

ویڈیو میں کپتان بابر اعظم نے کہا کہ ہم نے جس طرح ورلڈ کپ میں کھیل کر دکھایا، ماضی میں جا کر وہ یاد کریں، جب یاد کریں گے سب یاد آنا شروع ہوجائے گا۔ سوچنا شروع کریں۔ تیاری تو کی ہی جارہی ہے۔

سماجی رابطے کی ویب سائٹ ٹوئٹر پر جاری کردہ ویڈیو میں قومی ٹیم کے کپتان نے کہا کہ اچھی تیاری وہ ہے کہ جو ٹریننگ میں کیا اسے میچ میں اپلائی کیا جائے۔ آپ جو یہاں کر رہے ہیں، اسے میچ میں بھی اپلائی کریں۔ پھر رزلٹ آئے گا۔