اضافی چینی برآمد نہ کی تو کسان مشکل میں آجائیگا، شوگر ملز ایسوسی ایشن

لاہور: پاکستان شوگر ملز ایسوسی ایشن نے وفاقی حکومت سے چینی کی اضافی پیداوار فوری برآمد کرنے کا مطالبہ کردیا۔

تفصیلات کے مطابق شوگر ملز ایسوسی ایشن کا کہنا ہے کہ گزشتہ کرشنگ سیزن میں شوگرملوں نے ریکارڈ80 لاکھ ٹن چینی بنائی، 60 لاکھ ٹن ملکی کھپت کے بعد 20 لاکھ ٹن چینی اضافی ہے۔

شوگرملز ایسوسی ایشن نے اپے بیان میں کہا کہ حکومت 13 لاکھ ٹن اضافی چینی برآمدکرنےکی اجازت دے برآمد ہونے سے چینی کی قیمت نہیں بڑھےگی۔

یہ بھی پڑھیں:

فیٹف نے پاکستان کی درجہ بندی کو اپ گریڈ کردیا، حتمی فیصلہ اکتوبر میں کیا جائیگا

ایسوسی ایشن کے مطابق ایک ارب ڈالر مالیت کی چینی گوداموں میں پڑی ہے چینی کی برآمدات سے پاکستان سالانہ ایک ارب ڈالر کما سکتا ہے رواں سال گنے کی کاشت 10 فیصد زیادہ ہوئی ہے اور حالیہ بارشوں کی وجہ سےگنے کی بہتر پیداوار کا امکان ہے۔