چوری شدہ کتاب 50 سال بعد لائبریری کو ایک خط کیساتھ واپس مل گئی

اوہائیو: امریکا میں چوری کی گئی ایک کتاب 50 سال بعد لائبریری کو ایک خط کے ساتھ واپس مل گئی۔

تفصیلات کے مطابق امریکی ریاست اوہائیو کی سِنسناٹی پبلک لائبریری کا کہنا ہے کہ کتب خانے سے چرائی گئی مصنف ایڈگر رائس کی کتاب ٹارزن اینڈ ٹارزن ٹوئنز 50 سال بعد بذریعہ ڈاک لائبریری کو واپس بھجوائی گئی۔ کتاب کے ساتھ ایک رقہ بھی بھیجا گیا جس میں کتاب کی غیر موجودگی کے حوالے سے بتایا گیا۔

 

View this post on Instagram

 

A post shared by Cincy Library (@cincylibrary)

کتاب کے ساتھ بھیجے گئے رقہ میں لکھا ہے کہ جو بھی اِس کو موصول کرے، میں اِس کتاب کوواپس کررہا ہوں، جس کو 1972 – 1973 میں سِنسناٹی پبلک لائبریری (مین برانچ) سے درج کرائے بغیر لے جایا گیا تھا۔

یہ بھی پڑھیں:

دو سالہ بچی نے خود پر حملہ کرنیوالے سانپ کو دانتوں سے کاٹ کر مار ڈالا

رقہ میں بتایا گیا کہ چونکہ اُس وقت میں نوجوان تھا اس لیے ایسا کام کردیا، بہرحال میں امید کرتا ہوں کہ آپ کو یہ کتاب صحیح حالت میں ملے گی۔

لائبریری کے مہتمم برائن پاورز کا کہنا تھا کہ کتاب کے واپس مل جانے سے لائبریری کا عملہ خوش ہے۔

انہوں نے بتایا کہ اعترافی نوٹ میں کہا گیا ہے کہ وہ شخص یہ کتاب لے گیا تھا لیکن یہ نہیں بتایا گیا کہ اس نے یہ واپس کیوں کی۔