ایشیاء کپ کا شیڈول جاری، پاک بھارت میچ 28 اگست کو ہوگا

لاہور: ایشیاء کپ 2022 کا شیڈول جاری کردیا گیا ہے۔

تفصیلات کے مطابق ایشیاء کپ 2022 رواں برس 27 اگست سے 11 ستمبر تک متحدہ عرب امارات میں کھیلا جائے گا۔

ایونٹ کے تمام میچز ٹی ٹوئنٹی فارمیٹ میں دو مقامات دبئی اور شارجہ میں کھیلے جائیں گے۔

ایشیاء کپ 2022 کا ابتدائی میچ سری لنکا اور افغانستان کے درمیان 27 اگست کو دبئی میں کھیلا جائے گا جبکہ روایتی حریف پاکستان اور بھارت 28 اگست کو دبئی میں ہی مد مقابل آئیں گے۔

یہ بھی پڑھیں:

پاکستان کرکٹ بورڈ نے دورہ انگلینڈ کا شیڈول جاری کردیا

Cricketing fans! Get ready to witness Asia’s best, battling it out to become Asia’s best!???????? Here’s how this year’s Men’s Asia Cup is lined up. Mark your calendars???? Tell us in the comments, which team are you supporting?#ACC #cricketlove #cricket #AsiaCup2022 pic.twitter.com/DYTBjXnFke

— AsianCricketCouncil (@ACCMedia1) August 2, 2022

معلوم رہے کہ پاکستان اور بھارت 28 اگست کو گروپ مرحلے کے بعد ممکنہ طور پر سپر فور اور فائنل میں بھی مدمقابل آسکتے ہیں۔

علاوہ ازیں ایونٹ کا فائنل میچ 11 ستمبر کو دبئی میں کھیلا جائے گا۔

خیال رہے کہ ایشیاء کپ 2022 سری لنکا میں ہونا تھا، تاہم سیاسی کشیدگی کے باعث ایونٹ متحدہ عرب امارات منتقل کردیا گیا ۔