گوگل نیوز پر ہمیں فالو کریںپاکستانی شوبز انڈسٹری کی معروف اداکارہ سجل علی عالمی سطح پر اداکاری کیلئے تیار ہیں جن کی فلم کی پہلی جھلک مداحوں کے سامنے آگئی۔
تفصیلات کے مطابق اداکارہ سجل علی نے اداکاری کا عالمی پراجیکٹ سابق وزیر اعظم عمران خان کی سابق اہلیہ جمائمہ گولڈ اسمتھ کے ہمراہ سائن کیا۔فلم کا نام What’s Love Got To Do With It رکھا گیا ہے۔
پاکستان کی 75ویں سالگرہ پر تقریب، شوبز ستاروں کی شرکت
اداکارہ سجل علی کے ہمراہ بالی ووڈ کی سینئر فنکارہ شبانہ اعظمی، ہالی ووڈ اداکارہ ایما تھامپسن، للی جیمز اورشہزاد لطیف بھی پراجیکٹ کاحصہ ہیں۔ فلم کا اسکرپٹ جمائمہ گولڈ اسمتھ نے تحریر کیا ہے۔
فیچر فلم کیلئے جمائمہ گولڈ اسمتھ کے اپنے پراڈکشن ہاؤس سے خدمات حاصل کی گئی ہیں جبکہ پراجیکٹ کیلئے ہدایات شیکھر کپور نے دیں۔ سجل علی کی فلم میں پہلی جھلک کی تصویر سوشل میڈیا پر ڈال دی گئی۔
View this post on Instagram
سوشل میڈیا پر ڈالی گئی فلم کی پہلی جھلک میں اداکارہ سجل علی کو خوبصورت لباس اور دوپٹے کے ہمراہ جلوہ گر دیکھا جاسکتا ہے جبکہ ان کے کردار کے چہرے پر ایک متانت بھری مسکراہٹ بھی ہے۔
جمائمہ گولڈ اسمتھ کی تحریر کردہ فلم کو ٹورانٹو فلم فیسٹیول میں رکھا جائے گا جبکہ متعدد سوشل میڈیا صارفین نے سجل علی کی پہلی تصویر دیکھتے ہی اس پر مختلف تبصرے کرتے ہوئے تعریفوں کے پل باندھ دئیے۔
